Ventiquattro Odi Scelte di Orazio Flacco/08

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Pietro Bussolin

Ventiquattro Odi Scelte di Orazio Flacco
tradotte liberamente in verso e dialetto veneziano

ODE XII. LIBRO II.

1832

Edission original:	Bartolommeo Gamba, Serie degli scritti impressi in dialetto veneziano, compilata ed illustrata da Bartolommeo Gamba, giuntevi alcune odi di Orazio tradotte da Pietro Bussolin, Venezia, dalla tipografia di Alvisopoli, 1832
Fonte:	Indice:Serie degli scritti impressi in dialetto veneziano.djvu

← ODE XII. LIBRO IV.

Edission e fonte ▼

ODE X. LIBRO II. →

[p. 236 modifica]

Ode XII. Libro II.

Nollis longa ferae bella Numantiae
Nec durum Hannibalem, nec Siculum mare.

A MECENATE

Nò sicuro, Mecenate,
     Per tratar le cosse eroiche
     Le mie corde no xè fate,
     La mia lira è tròpo debole,
     5E i mì versi bùta mal.
Come mai, cantar le guère
     De Numànzia,¹ o pur d'Anìbale!,
     O le stràge orènde e fiere
     Là in t'el mar de la Sicilïa²
     10Rosso e pien de sangue uman!
O i Titani, o quei Lapìti,
     Che à tentà mandar in cenere
     De Saturno i bei sofìti,
     Se no giera quel gran Ercole,
     15Che a dover li à fati star!

[p. 237 modifica]

O d'Isèo, tolto dal gòto!³
     Nò, ripeto, i fati tràgici
     No me mete el sangue in mòto,
     Nè se adàta a la mia musica
     20Che i piaceri de l'amor.
Toca a ti, co le to' prose,
     Co' bel stil destèso e libero
     Far saver le azion famòse,
     E la stòria del gran Cèsare
     25Con bel ordene dir sù;
E mostrar ti pol, tì solo,
     Tanti re superbi e indomiti
     Strassinài co' corde al colo
     Qua per Roma, a onor e glorïa
     30Del mazor de tuti i re;
Ma 'l mio canto e la mia vena
     Xè impegnài per Clio e Licinïa,
     O a lodar la vose amèna,
     O i so' ochièti lucidissimi,
     35O 'l sò fido e vero amor,
O quei cari motesìni,
     Che la fà co l'altre in bòzzolo,
     E co i brazzi e co i penini
     Ne la Festa che, per solito,
     40Le ragazze a Diana fa;
E sò certo, amigo caro,
     Che anca tì, quanto in Arabïa
     Gh'è de rico e de più raro,
     Co' un cavèlo de Licìna
     45Ti vorèssi baratar;

[p. 238 modifica]

Per culìa, quel bel visèto,
     Che col colo, un fià, sbassàndose,
     O la vol tor su un basèto,
     O, per finta, refudandolo,
     50La lo brama, ma robà;
               O sul viso a l'improvìso,
               Un de i sòi la ghe ne dà.

Note a cura de l'autor

↑ Numanzia, Cità de la Spagna distruta da Sipion.
↑ In quel mar xè sucèssa la gran batagia naval che à dà C. Duilio a i Cartaginesi, distruzendoli e fando aponto, per modo de dir, l'acque rosse per el gran sangue che s'à sparso.
↑ Centauro che à tentà de rapir Ipodamia a Piritoo prencipe de i Lapiti.

[1] Numanzia, Cità de la Spagna distruta da Sipion.

[2] In quel mar xè sucèssa la gran batagia naval che à dà C. Duilio a i Cartaginesi, distruzendoli e fando aponto, per modo de dir, l'acque rosse per el gran sangue che s'à sparso.

[3] Centauro che à tentà de rapir Ipodamia a Piritoo prencipe de i Lapiti.

1

2

3