Ventiquattro Odi Scelte di Orazio Flacco/09

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Pietro Bussolin

Ventiquattro Odi Scelte di Orazio Flacco
tradotte liberamente in verso e dialetto veneziano

ODE X. LIBRO II.

1832

Edission original:	Bartolommeo Gamba, Serie degli scritti impressi in dialetto veneziano, compilata ed illustrata da Bartolommeo Gamba, giuntevi alcune odi di Orazio tradotte da Pietro Bussolin, Venezia, dalla tipografia di Alvisopoli, 1832
Fonte:	Indice:Serie degli scritti impressi in dialetto veneziano.djvu

← ODE XII. LIBRO II.

Edission e fonte ▼

ODE II. LIBRO IV. →

[p. 238 modifica]

Ode X. Libro II.

Rectius vives, Licini, neque altum.

A LICINIO

Su la via de mezzo tanto necessaria
per viver al mondo ben.

Se ti vol, Licìnio mio,
Navegar felicemente,
No convien che arditamente
4Ti te traghi in alto mar,

Nè che sempre, per paùra,
Ti te tegni a rente al lido
Perchè qualche scògio infido
8Te pol far pericolar.

Chi ama, e vol la via de mezo,
Nè in grandiosi casamenti,
Nè in tugurj spuzzolenti
12No pol piaserghe de star;

Perchè 'l vento a i grossi pini
Con più forza ghe fà guera,

[p. 239 modifica]

E sfracàssa zòso in tèra
16Co più furia un campanièl.

Squasi sempre la saète
Le và in cima de i gran monti
A colpir; ma in lioghi sconti,
20(Che se sappia) nò le và.

Fra i malàni e le desgràzie
Spera el ben chi gà fermezza,
E altretanto gà saviezza
24Chi fra i beni teme 'l mal.

La stagion de i frèdi e i giazzi
Che fà bruta la natura
Sempre quà no la ne dura,
28Giove, a nù, la dà e la tol.

E se adesso ghe xè in Cielo¹
Scuro orèndo, lampi e toni,
Poco dopo, quei niòlòni
32Pol sfantar, e far seren.

Tropo in longo el biondo Apòlo
Nol fà tàser la so' lira;
Ma el so' archeto, gnànca, el tira
36Per sonarla tuto el dì;

Donca, amigo, se un gran nembo

[p. 240 modifica]

Te spaventa e dà travàgio,
Fàghe fronte con coràgio,
40E stà duro sempre più;

Ma s'el vento zìra in pope,
La to' vele sbassa in bòta,
Tiente in man sempre la scota,
44E recòrdete el passà.

Note a cura de l'autor

↑ Orazio dise:
Non si male nunc et olim
Sic erit...
Anca el sior Gargalo à pensà ben de ingrassar un poco la secùra de sto pensier. Cussì ò fatto anca mì, e in fati, se, per star al testo, avesse dito:
"E se ancùo ghe xè de i mali
Doman, nò, no i ghè sarà..."
Me par, che i sarìa stài molto magri, e insinitii — Digh'io ben?

[1] Orazio dise:
Non si male nunc et olim
Sic erit...
Anca el sior Gargalo à pensà ben de ingrassar un poco la secùra de sto pensier. Cussì ò fatto anca mì, e in fati, se, per star al testo, avesse dito:
"E se ancùo ghe xè de i mali
Doman, nò, no i ghè sarà..."
Me par, che i sarìa stài molto magri, e insinitii — Digh'io ben?

1