Vìa, fenìla, sier Cazzo: abbiè giudizio

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 248 modifica]
L'AUTOR AL PROPRIO CAZZO.


SONETTO


Vìa, fenìla, sier Cazzo: abbiè giudizio,
    No fè, che 'l Mondo più ve diga mato,
    Zà la vedè anca vù, che no sè in stato
    4De seguitar quel maledetto vizio.

Abbiè tutte le Donne in quel servizio,
    Lassele andar; perchè cussì de fato
    Sparagnerò anca mi qualche ducato,
    8E vù starè lontan dal precipizio.

Sto no voler pò alfin mai tralassar,
    La xe 'na leze troppo buzarona,
    11Che vù abbiè 'l gusto, e mi abbia da pagar.

Sìa belle, o brutte le volè impirar,
    E no vardè, quando sè drento in Mona,
    Che qualcuna se possa anca ingraviar,
                    15Dove podè incontrar

[p. 249 modifica]


De quelle, che pretende far zornada,
    E dir, ch'altri, che vù l'avè chiavada,
                    18S'anca la fusse stada

E fottua, e refottua da tutto'l Mondo;
    E 'l danno sarìa mio, mi ve respondo.
                    21In summa pensè al fondo,

No fè, che più ve fazza correzion,
    E 'l recordo mettè in esecuzion;
                    24Che, se sta bon'azion

Vù me farè, mi posso anca donarve
    Un premio, che xe bon da contentarve,
                    27Cioè co 'na man menarve,

E darve quel piaser, che vù bramè,
    Acciò, che siè contento, e che sborè,
                    30Perchè pò no disè,

[p. 250 modifica]


Che ve son ingrato, e che no ve procuro
    Del ben presente, e anca del futuro.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Vìa,_fenìla,_sier_Cazzo:_abbiè_giudizio&oldid=45732"