Vìa, caveve dalle Dame

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 199 modifica]
CONSEGGIA A LASSAR LE DAME.


MADRIGALE


Vìa, caveve dalle Dame,
    Che no vuol cavar la fame
    Alle nostre Aneme grame,
    4Che gà 'l fuogo nel corbame.

Vìa caveve, no secchè,
    Che, per Dìo, no le cucchè,
    S'anca tutti vù gavè
    8I bei anni de Noè;

Perchè, quando le hà zurà
    De no aver mai carità,
    Sarè sempre maltrattà,
    12Quanto più sarè ostinà.

[p. 200 modifica]


Starè mal, e suso, e in letto
    Pien de rabbia, e de despetto,
    E sarè sempre in bruetto,
    16E in t'un stato maledetto;

E ogni vostro gran tormento,
    E ogni vostro gran lamento
    Sarà sempre un gran contento
    20Per la Dama ogni momento.

Tendè al rosto, lassè 'l fumo,
    E no fè del cuor consumo,
    Che zà a tutte mi presumo
    24Sia compagno quel bel grumo.

Lassè andar la nobiltà,
    La preziosa antichità
    Dell'Amor la vanità,
    28Delle Dame la maestà.

[p. 201 modifica]


Descantarse alfin bisogna,
    E d'amor sanar la rogna;
    Deventar l'è 'na vergogna
    32Per le Dame una carogna.

Vìa, lassè la vita amara
    Per la Dama fiera, e avara,
    E per far vita più cara
    36Tiolè suso una Tabara.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Vìa,_caveve_dalle_Dame&oldid=45621"