Una razza de Donne s'hà introdotto
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Donne, che co volè farve servir | Edission e fonte ▼ | Che gran bella fattura a dir el vero → |
Una razza de Donne s'hà introdotto
Nel Mondo, che se chiama virtuose,
De sora vìa le và vestìe pompose,
4E tutte quante xe rotte de sotto.
Se le trova qualcun, che ghe sia cotto,
Le se sustenta, e le se fà preziose,
E con maniere scaltre, e maliziose
8Fin sull'osso le pela el bon merlotto.
Per tutto in altri tempi se trovava
Un numero de belle cortesane,
11Che co un Zecchin, o do le se chiavava;
Adesso per toccarghe le roane
No basta spender un granner de biava,
E sì le xe più brutte, e più puttane:
15Fussele almanco umane,
Le ga più umor assae delle Contesse,
Con abiti le và da Prencipesse,
18E no le gà braghesse,
Siben, che questa xe una cosa bona,
Perchè più facilmente ogni persona
21Puol toccarghe la Mona,
Una Mona, che tante a dirla schietta
Donne, che sulla potta i Cazzi aspetta,
24La gà più sutta, e netta;
Ma xe noto con tutti i so ornamenti,
Che xà le gà pettà ai so serventi
27Dei boni scolamenti.
Per altro le la porta assae cimada,
Le dise, che gnessun ghe l'ha toccada
30Con aria buzarada;
E pò se sà con tutto el so umoretto,
Che tutte le l'hà tiolto anca in culetto,
33E per farse concetto
Le dise, che le gà el Prencipe tal,
Che in Roma le gaveva un Gardenal
36Co tanto de cotal,
Che le xe stae a Bologna, e che le hà fato
Dal gran amor quasi deventar mato
39Sin l'istesso legato.
No se sente, che borie, e margiassae,
In credenza le fà mille bullae,
42Che siele buzarae;
E tutto questo per portarse avanti,
E per cavarghe a sti so cari amanti
45Tutti quanti i contanti,
E pò, co le và vìa de quel gramazzo,
Che hà speso tanto, e che gà dà solazzo,
48No le ghe pensa un Cazzo;
E se 'l gavesse dà scettri, e corone
50In Culo le lo gà ste buzarone.