Una bela Data

by Luigi Cappello

3 Una bela Data Dai rovinassi del campanil In Campagna A la Posta Sucursal Luigi Cappello 1905 XX Soneti

Indice:Luigi Cappello - Dai rovinassi del campanil, 1905.pdf

Luigi Cappello ―  Dai rovinassi del campanil

Una bela Data

1905

Edission original:	Luigi Cappello, Dai rovinassi del campanil, 1905
Fonte:	Indice:Luigi Cappello - Dai rovinassi del campanil, 1905.pdf

←  In Campagna

Edission e fonte ▼

A la Posta Sucursal  →

Una bela Data

Tuta a parole d'oro e tempestada
     de smeraldi, rubini e de brilanti,
     sul libro de la storia xe incastrada
     'na Data che 'l dispeto xe de tanti.

L'è un XX de Setembre, 'na zornada
     che xe scolpia sul cuor de tuti quanti
     e che vol dir: la morte decretada
     de un impero che tropo xe andà avanti.

E ben ga fato 'l nostro bon Governo
     a decretar che 'na zornada tal
     gabia da essar festa nazional,

basta che col sistema ormai eterno
     de sgnacarne ogni tanto tasse e spese,
     no l'abolissa el primo dì del mese.