In Campagna
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← L'Amnistia | Edission e fonte ▼ | Una bela Data → |
In campagna
'Na piantina che spunta; una fogeta
che tuti i dì se fa più granda; un fior
che sbocia a la matina fra l'erbeta
e verso sera el se infiapisse, el mor.
Un oseleto drento al nio che speta
la mare che, sfidando el cassador,
ghe porta da lontan 'na fregoleta,
a nu insegnando le funzion del cuor.
El sol che se alza; l'aria pura e sana
che còcola su l'erba la rozada;
el contadin che passa la zornada
sora dei campi in mezo al ben de Dio;
un tramonto tranquilo; una campana
che ve diga: preghè; un bel sono, adio!