Un dì, ch'in trono Amor giera sentà

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 157 modifica]
SENTENZA DE CUPIDO.


SONETTO


Un dì, ch'in trono Amor giera sentà
    Per dar udienza a tutti i innamorai,
    Anca mi co quei altri desperai
    4A far i me lamenti son andà!

Ve digo ben, che co m'hò visto là,
    E che a far hò sentìo quel tannanai,
    Hò dito; Mi no credo, che i dannai
    8Fazza 'l sussuro, che se sente quà.

Tutti diseva mal della so Dona,
    Chi la giera una cagna, e chi una matta,
    11Mi hò dito, che la xe una buzarona.

Aifin Amor in fazza a ogni persona
    Hà pronunzià una leze de sta fatta.
    14Pazienza, e bezzi, tutti anderè in Mona.