Amor dopo, che tanto t'hò servìo

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 158 modifica]
LAMENTI DELL'AUTOR CONTRO CUPIDO.


SONETTO


Amor dopo, che tanto t'hò servìo,
    Che t'hò fatto da Zane, e Burattin,
    E per ti deventà son un meschin,
    4Ti me tratti cussì, petto de Dìo!

I dise tutti quanti, che ti è un Dìo,
    La buzara ti xe, ti xe un sassin;
    Per mi cosa astu fatto de divin?
    8Sò ben, che ti xe un can, che m'hà tradìo.

Spero, ch'i me lamenti vaga in Cielo,
    Che Venere co ti tutta stizzada
    11Me voggia vendicar con del to pelo,

Che cattandote un zorno per la strada,
    O in qualche casa in forma de puttelo
    14Mi te daga una bona buzarada.