Songio mi, Amor, quel servidor de dame?

by Maffio Venier

3 Songio mi, Amor, quel servidor de dame? (Sonetto IX) Canzoni e sonetti Sonetto VIII. O cielo, e me inzenocchio e mando fuora Sonetto X. La notte che serré la porta al dì Maffio Venier XVI Soneti Altra edizion: La Fame (1817)

Maffio Venier ―  Canzoni e sonetti

Songio mi, Amor, quel servidor de dame? (Sonetto IX)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto VIII. O cielo, e me inzenocchio e mando fuora

Edission e fonte ▼

Sonetto X. La notte che serré la porta al dì  →

Altra edizion: La Fame (1817)

Songio mi, Amor, quel servidor de dame?
Songio mi, Amor, quel che pruffana tutto?
Songio mi quel per ti cusì destrutto,
O songio un resanà, che muor da fame?

Dove è pi le to frezze e le toe fiame
Che me haveva sti dì sì mal condutto?
Va, le afficca in t'un pan o in t'un persutto
S'ti vuol che torna sotto el to reame.

Del resto, fame usar tutti i to tratti,
Fa che habbia mille, se no basta un sguardo,
Che mai levarò el cuor zo de sti piatti.

Va pur, e metti in sémola el to dardo,
Che per adesso son co xe quei gatti
Che lassa el sorze per magnar el lardo.