Siora Nani e siora Maria

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

[p. 33 modifica]


Siora Nani e siora Maria


     No xe vero che fioi xe Providenza;
Ghe digo mi, el proverbio xe sbaglià,
Beati quei che in sto mondo xe senza,
Un poco de lavor e un pan i ga.

     Mi voria che se perdi la semenza!
Solo miseria e lagrime i ne dà!
Dio me perdoni! I xe la penitenza
Del matrimonio per el gran pecà.

     E se xe morto in fasse el suo putel,
Un disgrazià de meno xe a sto mondo,
E un angioleto xe svolado in ciel

     I fioi xe un lusso, che li fazzi i siori,
Bestemierò, ma la me credi, in fondo,
Xe de pianzer co i nassi, no co i mori.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Siora_Nani_e_siora_Maria&oldid=69323"