Signor, se per pietà no ti soccorri

by Maffio Venier

3 Signor, se per pietà no ti soccorri (Sonetto I) Canzoni e sonetti Canzon (dei soldi) Sonetto II. Co ti ha qualche vestura strafozà Maffio Venier XVI

soneti

Maffio Venier ―  Canzoni e sonetti

Signor, se per pietà no ti soccorri (Sonetto I)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Canzon (dei soldi)

Edission e fonte ▼

Sonetto II. Co ti ha qualche vestura strafozà  →

Signor, se per pietà no ti soccorri
Sti to moderni meschini poeti,
I vedo tanto grami e povereti
Che infina i sassi ha compassion de lori.

Tutte le so fadighe e i so suori,
Compona pur e canzon e sonetti,
No è bone da cavar quatro marchetti
Da ste arpie, da sti mostri traditori.

Una de do: o fa che sia bandìa
Sta profession, o più severamente
Castiga, che no se usa l'eresia.

O manda adosso a cusì crudel zente
Una sorte de nuova malatia
Che la varissa i versi solamente.