Siando incolorao con sier Amor,
Per tanti soiamenti, che'l m'ha fatto
Lu da despetto, me fe un brutto atto;
Un dì, che rasonava con mia sior.
El giera armao de sotto el vardacuor,
E disse vogio far con ti un baratto;
E me tirete un gran colpo da matto,
Drento di fianchi, che me zonse al cuor.
Si fattamente, ch'in tel dì d'ancuo
No son vario de cusi fatta bota;
Onde me trovo pi cotto, cha cruo,
E tanto in corpo el fuogo si me scota,
Ch'asiando d'inverno, sempre suo;
Onde son da la zente tolto in nota.
