Siando incolorao con sier Amor
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← E tremo tutto, col me vien a mente | Edission e fonte ▼ | Alboro vittorioso, e triomphal → |
Siando incolorao con sier Amor,
Per tanti soiamenti, che'l m'ha fatto
Lu da despetto, me fe un brutto atto;
Un dì, che rasonava con mia sior.
El giera armao de sotto el vardacuor,
E disse vogio far con ti un baratto;
E me tirete un gran colpo da matto,
Drento di fianchi, che me zonse al cuor.
Si fattamente, ch'in tel dì d'ancuo
No son vario de cusi fatta bota;
Onde me trovo pi cotto, cha cruo,
E tanto in corpo el fuogo si me scota,
Ch'asiando d'inverno, sempre suo;
Onde son da la zente tolto in nota.