Pagina:Rime pescatorie.djvu/18

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Siando incolorao con sier Amor,
     Per tanti soiamenti, che'l m'ha fatto
     Lu da despetto, me fe un brutto atto;
     Un dì, che rasonava con mia sior.
El giera armao de sotto el vardacuor,
     E disse vogio far con ti un baratto;
     E me tirete un gran colpo da matto,
     Drento di fianchi, che me zonse al cuor.
Si fattamente, ch'in tel dì d'ancuo
     No son vario de cusi fatta bota;
     Onde me trovo pi cotto, cha cruo,
E tanto in corpo el fuogo si me scota,
     Ch'asiando d'inverno, sempre suo;
     Onde son da la zente tolto in nota.


Alboro vittorioso, e triomphal,
     Honor d'Imperadori, e de Poeti,
     Quanti ne fastu andar magri, e lindeti,
     Che per ti no n'ha pro, ne cavedal.
Per certo le brigae, si fa un gran mal,
     Quando se vede spiriti descretti,
     Che per cattiva sorte, e poveretti,
     A no impirghe d'ingiostro el caramal.
Zentilezza de sangue, ni bel fante
     Armigero, piacente, o vertuoso,
     No s'apriesia si no, quanto besogna.
Un savio el mondo, el reputa furfante,
     E muor da fame, chi è troppo inzegnoso,
     No consiste a piar pesse bona togna.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/18&oldid=55338"