Se me havé donà el cuor, come disé

by Maffio Venier

3 Se me havé donà el cuor, come disé (Venieresca XXII) Canzoni e sonetti Venieresca XXI. Bàsame, cara mare, e fa che muora Venieresca XXIII. S'ti pensi de tegnir to nezza i anni Maffio Venier XVI

soneti

Maffio Venier ―  Canzoni e sonetti

Se me havé donà el cuor, come disé (Venieresca XXII)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Venieresca XXI. Bàsame, cara mare, e fa che muora

Edission e fonte ▼

Venieresca XXIII. S'ti pensi de tegnir to nezza i anni  →

Se me havé donà el cuor, come disé,
Se mi ho la vostra gratia, el vostro amor,
Se l'è parte più nobele che habbié,
Prestéme el cul, che mi ve rendo el cuor.

Lu, che è dei membri el principe, e 'l signor,
Come scrigno dell'anima che el xe,
Mo no ve contentéu, se baraté,
A darme el cul che xe so servidor?

E po, a star senza cuor come stéu viva?
E mi, senza quel cul no sòngio morto?
Mo cazzo in cul al cuor, fè che ogniun viva.

Mi ho in tel cul, vu in tel cuor, el gran conforto,
L'un ha quel che è del'altro, ogniun se priva
Quanto più el cul, che el cuor, se fè sto torto.