Quando compirà un dì sta gran fortuna

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
←  A l'ombria d'un costrao de la mia barca Edission e fonte ▼ A i mie dì n'habuo tre bone notte  →
[p. 77 modifica]
CANZON QUARTA.


Quando compirà un dì sta gran fortuna,
     Che no me lassar mai piar fiao,
     Hora'l timon, hora a drezzar la vela,
     Sechando l'acqua, che vien in sentina,
     Con tanto vento, che'l Ciel a pietae,
     In pericolo grando de la vita,
Diebbio a sta fozza condur la mia vita,
     Sottoposto d'agn'hora a la Fortuna,
     E che'l non vegna a sier Giove pietae,
     De no me lagar perder el fiao;
     Soffegandome drento la sentina,
     Rompando i remi, e squarzando la vela.
Che me ziova el governo de la vela.
     Si vedo squasi, che perdo la vita,

[p. 78 modifica]

     Tanto'l mar me superchia la sentina,
     E cresse a pi poder, doppia fortuna,
     Talmente che'l mio puovero fiao,
     No trova una minima piatae,
E'l mondo m'ha intromesso ogni pietae,
     Onde von à segondo con la vela,
     Sbatuo dal navegar con poco fiao,
     Sperando el fin de sta meschina vita,
     Perche revera, vedo la Fortuna,
     Ch'a fatto un rombo, in mezo la sentina.
Oime, che si no sugo sta sentina,
     E che a Nettuno no vegna pietae,
     Son certo de morir in sta fortuna,
     Perche'l bossolo è rotto, e anche la vela,
     Onde no stimo niente la mia vita,
     Cho fosse un corpo privo de fiao.
Mo a chi no insirave tutto el fiao,
     Vedando'l mar abondar in sentina,
     Senza sperar de scapolar la vita,
     Da far a un Dragon vegnir piatae,
     S'il vento mo, no drezzasse la vela
     A bon camin fuora de sta fortuna,
Canzon ho gran fortuna, e puoca vela,
     E i venti no ha piatae, de sta mia vita,
     Bagnandome in sentina, senza fiao.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Quando_compirà_un_dì_sta_gran_fortuna&oldid=56058"