A i mie dì n'habuo tre bone notte

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
←  Quando compirà un dì sta gran fortuna Edission e fonte ▼ Belle, e ricche lagune  →
[p. 79 modifica]
CANZON QUINTA.


A i mie dì n'habuo tre bone notte,
     Ma tormentao le mattina, e la sera,
     Daspuo che pesco in mezo de sti boschi,
     Quando compirò, al mar cesserà le onde,
     E'l Sol torrà la luse da la Luna,
     E i pesci morirà stagando in acqua,
Decippo le mie ree, drento de l'acqua,
     Ni me ziova pescar tutta la notte,
     Consumando le arte, el dì, e la sera,
     Anci co l'imbrunirse de la Luna,
     Pianzo tanto che fazzo mille onde
     Da far tremar e'l Ciel, i monti, i boschi.
Credo si andassfe in fra dusento boschi,
     Per star al suto, e troverave acqua,
     E si pescasse farave tante onde,
     Che no se dormirave mai la notte,
     A tal che aspetto pur inverso sera,
     Che stala el tempo al levar de la Luna.
Deh foss'io in Cielo, donde sta la Luna,
     Che mi no pescherave in fra sti boschi,
     E quella, che de nona fa esser sera,
     Con essa, e con Amor, fosse in t'un acqua,
     E là stassemo fichai una notte,
     A smergandose tutti sotto le onde,
Almanco se bonazzasse le onde,
     E che lusesse d'agn'hora la Luna,
     Durando un bel seren tutta la notte,

[p. 80 modifica]

     Azzo che i lovi, che stancia in sti boschi,
     Si no me devorasse inanzi sera,
     Perche i vien spesso a beverarse in st'acqua.
El vento si ha sgionfao si forte l'acque,
     E la fortuna rompe si gran onde,
     Che tremo da paura asiando sera,
     Si no m'aidasse mo madonna Luna
     A trarme san, e salvo de sti boschi,
     Azzo che vaga a cha, a dormir sta notte.
Canzon fatta de notte in mezo i boschi
     Senza levar la Luna, appresso sera,
     Al rognir de le onde, in si gran acqua.