E no te dubitar pi de martello,
Comenzando a ruzar tutti con Giove,
Digando che'l se tiol i gran pensieri.
Onde lagando a lori i mie pensieri,
E me arecomandì a missier Cupido,
Riolando zo, per le niole del cielo,
Toiando prima licentia da Giove,
Trovandome lezier senza martelo,
Col remo in man, al trasto de la barca.
Canzon torniti in barca, e chi a martelo,
Vaga da Giove, che è patron del Cielo,
No stimando Cupido, e altri pensieri.
Quando compirà un dì sta gran fortuna,
Che no me lassar mai piar fiao,
Hora'l timon, hora a drezzar la vela,
Sechando l'acqua, che vien in sentina,
Con tanto vento, che'l Ciel a pietae,
In pericolo grando de la vita,
Diebbio a sta fozza condur la mia vita,
Sottoposto d'agn'hora a la Fortuna,
E che'l non vegna a sier Giove pietae,
De no me lagar perder el fiao;
Soffegandome drento la sentina,
Rompando i remi, e squarzando la vela.
Che me ziova el governo de la vela.
Si vedo squasi, che perdo la vita,
