Per ricuperata salute del sig. Marconi

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Pietro Buratti

Per ricuperata salute del sig. Marconi

Edission original:	Collezione delle migliori opere scritte in dialetto veneziano, Volume ottavo: Poesie di Pietro Buratti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 8.djvu

Edission e fonte ▼

[p. 49 modifica]

PER LA RICUPERATA SALUTE

DEL SIG. SALVADORE MARCONI

CANZONE

Dal gran gusto mezo mato,
     Del nov'ano el quarto dì
     Un bel toco de Avocato¹
     4Corso in pressa xe da mi,
Esclamando: caro amigo,
     Vegno a darte un sogeton,
     Che se mai ti chiami intrigo
     8Mi te perdo l'opinion.
De lodar qua no se trata
     Una Munega professa,
     Un Dotor de fresca data,
     12Un Pretin che canta Messa.
No vòi prove del to inzegno
     Per do Sposi che va in leto;

[p. 50 modifica]

     Per un Paroco no vegno
     16A pregarte de un Soneto.
Nobilissimo argomento
     Go per man da farte onor;
     Via sti libri; sul momento
     20Ubidissi e parla al cuor.
— La se quieta, gh'ò risposto,
     El mio caro Ciceron,
     Sto preambolo xe un rosto,
     24L'è un impianto belo e bon.
Dopo aver per compiacenza
     Varie volte fiaschegià,
     Ghe lo digo in confidenza,
     28Mi no fazzo più mezà;
Yogio dir, no aceto più
     Comission da chi che sia,
     Che ogni idea de schiavitù
     32Xe fatal per la Poesia.
— Ubidissi, e tiente in bon,
     L'Avocato à replicà,
     Che più bela comission
     36No s'à dà, nè se darà.
Una perla, un omo raro,
     Un legal de prima sfera,
     Generoso, a tuti caro,
     40Xe andà quasi soto tera.
De tre fiole, poverete!
     Che pareva tre Marie,

[p. 51 modifica]

     Viste go le lagremete;
     44E go zonte anca le mie;
Ma el Dotor che xe a la cura,
     Omo in arte consunmà,
     In sto ponto me assicura
     48Che Marconi viverà.
— Sì, ch'el viva, gh'ò risposto,
     Da sto nome sbalordìo,
     No l'è rosto, no l'è rosto,
     52Supia Apolo a modo mio.
E là in bota licenziando
     Con un baso l'Avocato,
     So' andà un pezzo ruminando
     56Tra de mi cossa avrìa fato.
Un Soneto? no, che tremo
     De restar co tanti a mazzo,
     Nè vogarghe vòi sul remo
     60Al poeta de Palazzo.
Tropo curto xe el Soneto
     Per dir su quel che se coa,
     Nè gh'è in lirico el licheto
     64De slongarghe un fià de coa.
Donca un'Ode, ma de quele
     Che sbusando e muri e copi,
     Tra i pianeti e tra le stele
     68Vada suso senza intopi.
O piutosto una gran selva
     Da zirar dei zorni drento,

[p. 52 modifica]

     Se no sponta qualche belva
     72Che me magna a tradimento.
Me farà vegnir davanti
     Quela vechia ischeletrìa
     Che ne lassa qua i furfanti
     76E i bonomini scoa via.
Ghe dirò: Bruta carogna,
     Meti a monte le bulae,
     De morir nol se la sogna,
     80L'amalà sta megio assae.
Piu veloce de un oselo,
     A pietà mossa de lu,
     Vedarè piombar dal Cielo
     84Tra le Parche la Virtù;
E tratandole da aloche
     (Quadro degno de un Tizian!)
     E! so fuso e le so roche
     88Torghe a forza da le man:
Ma se mai cascasse a basso
     Sul più-belo del mio svolo?
     Ghe sarìa chi faria chiasso
     92De vederme roto el colo.
Contrastà da sta paura,
     No stè a torlo per strapazzo,
     Omo egregio, se a natura
     96El Poeta se dà in brazzo;
Se de Pindo l'oro fin,
     Tanto raro al dì de ancuo,

[p. 53 modifica]

     Ve lo buto per morbin
     100In monea de sto paluo;
Che za in fondo la se spende
     Co l'intrinseco xe bon,
     E xe tuto, per chi intende,
     104Un afar de convenzion;
Sanità, che ingiusto scialo
     Ti fa sempre de i to doni,
     Regalando ai brai el zalo
     108E le rose ai lasagnoni;
Manco zizza a dei fachini
     Che no ga che un bon gargato,
     Piu salute a inzegni fini
     112Come l'omo a nu rinato.
Cala in bota!² che acuorada
     In sti zorni de marea
     Zigar mata per la strada
     116S'à sentìo madama Astrea:
Per sigilo de i mi guai
     Donca xe deciso in Cielo
     Che a far tera da bocai
     120Vada presto el mio modelo?
Donca Morte vol quel omo
     Che nel so mestier profondo
     Sa del Codice el gran tomo

[p. 54 modifica]

     124Misurar da capo a fondo?
Che no xe per fame d'oro
     De l'ingiusto difensor;
     Che a interesse, Dio del Foro,
     128Tien stropà sempre el so cuor?
Che del dopio cresserìa
     El so stato se pagada
     Fusse un dì la litania
     132Ch'el ga in filza registrada?³
Che fadiga no sparagna,
     A ogni spasso indiferente,
     Che per l'opera no magna
     136El consulto al so cliente?
Che de caldo amor paterno
     Xe in famegia un tesoreto,
     Sempre alegro con quel terno
     140Caro fruto del so leto?
Che principj de suismo
     No conosse, e crede indegno
     De vestir de pedantismo
     144El so doto e franco inzegno?
Che discreto in pien col mondo
     Rigoroso xe con lu,
     Qualità che prova el fondo
     148De l'imensa so virtù?

[p. 55 modifica]

Che.... ma basta co sta lista,
     Che se fazzo qua un Poema
     Poderìa el Protagonista
     152Dir: de lezer no go flema.

Note

↑ L'Avvocato Astori, che amicissimo del Marconi, bravo ed onesto legale, corse dal Poeta domandando col maggior entusiasmo una composizione.
↑ Continua l'apostrofe a la Sanità.
↑ S'allude ai molti suoi crediti.

[1] L'Avvocato Astori, che amicissimo del Marconi, bravo ed onesto legale, corse dal Poeta domandando col maggior entusiasmo una composizione.

[2] Continua l'apostrofe a la Sanità.

[3] S'allude ai molti suoi crediti.

1

2

3