Oh Dìo, xe morto l'Emo! Oh Dìo, che testa

by Giorgio Baffo

3 Oh Dìo, xe morto l'Emo! Oh Dìo, che testa Raccolta universale delle opere di Giorgio Baffo Tomo III Quanti stolidi mai, ch'i s'hà ridotto Dell'Areopago i Giudici prudenti Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Oh Dìo, xe morto l'Emo! Oh Dìo, che testa

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  Quanti stolidi mai, ch'i s'hà ridotto

Edission e fonte ▼

Dell'Areopago i Giudici prudenti  →

PER LA MORTE DEL N. H. EMO.¹

SONETTO

Oh Dìo, xe morto l'Emo! Oh Dìo, che testa,
    Ch'hà perso la Città, ch'hà perso 'l Stato!
    El Colleggio lo sà, lo sà 'l Senato,
    4Che perdita alla Patria la sia questa.

Ma zitto, che gà messo sù la vesta
    Per consolar el Publico, e 'l privato,
    El Querini in quel gran Magistrato,
    8E i so parenti intorno ghe fà festa.

Da Savio sù l'hà messa 'l Barbarigo;
    Do Omeni i xe questi bei, e boni,
    11Capaci de sbrigar qualunque intrigo.

No se puol dir no i sia do soggettoni,
    Ma mi per altro con costanza digo,
    14Che dell'Emo no i xe, se nò i cogioni.

---

Note

1. Giovanni Emo (1670 - 1760), Dizionario Biografico degli Italiani