No sò più cosa dir, che hò dito tanto
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| Edission e fonte ▼ | Vorrave, cari amici benedeti → |
No sò più cosa dir, che hò dito tanto
In materia de Cazzo, e de chiavar,
D'andar in Culo, e farse buzarar,
4Che mi no gò più vose per sto canto.
Vorrìa dir qualche buzara ogni tanto
Sù sto ponto per farmela passar,
Ma no sò da che banda scomenzar,
8Che quel, ch'hò bù da dir, tutto l'hò spanto.
Bisognerìa toccar un altro ton,
Ma mi no incontrerò l'universal,
11Perchè fuora de questo sò un cogion.
El mio forte xe star sul natural,
E tanto fà, che rompa 'l cannacchion.
Quando, che al Cazzo gò da dir Cotal,
15Canterò sempre mal,
Farò, come fà tanti poetoni,
Che dà le gran seccade de cogioni
18Co quei so iperboloni
De monti d'alabastro, e bianco late
Per no dir do bellissime culate;
21Che buzare strafate!
Per descriver do Tette, e la Natura
Dir do colline, ed una valle oscura.
24Per mi la xe segura,
Che se vorrò cantar per mio solazzo
26Dirò Mona alla Mona, e Cazzo al Cazzo.