Mo xela longa sta cogionerìa!
Mo xela longa sta cogionerìa!
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Co mi penso a quel povero Marcello | Edission e fonte ▼ | Adesso, che vù sè in quel Tribunal → |
PER EL MEDESIMO.
SONETTO
Mo xela longa sta cogionerìa!
Quand'è, che sortirò de sta preson?
Sempre dovrò star quà, com'un cogion,
4Senza una Mona aver in compagnìa?
Ah! Cazzo, questa pò crudel sarìa,
L'Osello mio veder in t'un canton
Fremer, e delirar, co fà un Lion,
8Per no poder chiavar chi mi vorrìa!
A cosa serve mai un caenazzo,
Co no se puol aver la serraura?
11Cussì mi senza Mona, e aver el Cazzo.
Questa è per mi 'na pena troppo dura,
E senza Mona mi me meno 'l Cazzo,
14Cussì mantegno i sorzi a sboraura.