Mettéme a rosto, a lesso, su la graella

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Mettéme a rosto, a lesso, su la graella (Sonetto XLVI)
XVI secolo
←  Sonetto XLV. Seben ho in vuodo de no far mai pi Edission e fonte ▼ Sonetto XLVII. Apollo, se ti sa de medesina  →

Mettéme a rosto, a lesso, su la graella,
Lesséme in la pignata, in la stagnà,
Fè conto che sia un cièvolo, un'orà,
Trattéme da un marson, da una anguella.

Mandéme in ste gallìe per fallilella,
Tegnìme sempre a vostre spese in ca',
Mandéme in pellizon tutto l'instà,
E po, st'inverno, in un zipon de tella.

Disé sempre de no, sempre de pi,
Fè che ve daga del naso in tel cullo,
E se ve piase, dèmene vu a mi.

Fème far custion con ogni bullo,
Che ve ne vorrò ben dognora pi,
Perché son ustinà pi che no è un mulo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Mettéme_a_rosto,_a_lesso,_su_la_graella&oldid=42443"