Me vede una ragazza un dì a pissar
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Se qualche putta in strada xe a pissar | Edission e fonte ▼ | Sento a chiamarme un zorno, che andava via soletto → |
Me vede una ragazza un dì a pissar,
Questa se ferma, e me domanda ansiosa,
Cosa xe quella robba là pelosa,
4Che ve vedo davanti bulegar?
Mi che comprendo da sto so parlar
Quanto semplice mai la xe sta tosa,
Franco ghe digo, che la xe 'na cosa,
8Che le Donne fà molto consolar.
Allora una gran voggia buzarona
La mostra sta ragazza de goder
11Sta medesina, che xe tanto bona;
La me prega de farghe sto piaser,
E ghe prometto allora a sta patrona,
Che sarò pronto a far el mio dover,
14Con patto de taser.
Questa me lo promette, e mi l'abbrazzo,
E drento la so Mona hò ficà 'l Cazzo,
18Che gusto, che solazzo!
La me dise xe questo, che xe quà,
Nè sò 'l so compagno mai d'aver provà.
21Do volte ella hà sborà,
E come un vovo fresco la suava,
E mi intanto per tutto la palpava,
24Le tette ghe basava,
E per darghe al mio Cazzo più trastulo,
Hò fatto, che la mena ben el Culo.
27Spenzeva, come un mulo,
E hò da pò una sborada buzarona,
Che tutta quanta gò impenìo la Mona,
30E allora sta parona
D'esser molto contenta l'hà mostrà,
La m'hà dà un baso, e a Casa la xe andà;
33Se pò l'abbia ingravià
Co quella solennissima chiavada
Nol sò, perchè mai più no l'hò incontrada.