DIMANDA D'UNA RAGAZZA ALL'AUTORE.
SONETTO
Me vede una ragazza un dì a pissar,
Questa se ferma, e me domanda ansiosa,
Cosa xe quella robba là pelosa,
4Che ve vedo davanti bulegar?
Mi che comprendo da sto so parlar
Quanto semplice mai la xe sta tosa,
Franco ghe digo, che la xe 'na cosa,
8Che le Donne fà molto consolar.
Allora una gran voggia buzarona
La mostra sta ragazza de goder
11Sta medesina, che xe tanto bona;
La me prega de farghe sto piaser,
E ghe prometto allora a sta patrona,
Che sarò pronto a far el mio dover,
14Con patto de taser.
