Le Bellezze di Madonna

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Le Bellezze di Madonna
XVI secolo
Edission e fonte ▼
Altra edizion: Certi cavei rizzoti inanelai (1993)
[p. 51 modifica]
LE BELLEZZE DI MADONNA


Certi cavei rizzeti inanelai,
     Negri com'un veluo negro de pelo,
     Ornamento d'un viso cussì belo
     Co' se possa a sto mondo veder mai;

Un per d'ochi assassini che fa assai
     Chi scampa via senza lassarghe el pelo,
     Denti po', lavri e boca, e tuto quelo
     Che pol far desmissiar i indormenzai.

Ma quel che avanza el resto è certa gola,
     Che, su la fede mia, da quel che son,
     La val un pezzo d'oro quela sola.

E vita e drapi e disposizion
     E grazia in ogni gesto e ogni parola
     Che ve par d'ascoltare un Salomon.
                     No m'abiè per minchion,
     Che vòi più presto un sguardo da custìa
     Che 'l gran tesoro de la Signorìa.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Le_Bellezze_di_Madonna&oldid=67883"