La mussa del spassin

by Gianni Monicelli

3 La mussa del spassin Sera d'inverno Il dialetto e la lingua/L'aqua, el fogo e l'onor Gianni Monicelli XX Soneti veronese

Indice:Il dialetto e la lingua - Antologia vernacola.djvu

Gianni Monicelli

La mussa del spassin

XX secolo

Edission original:	Il dialetto e la lingua, Antologia vernacola, a cura de Vittorio Fontana, Verona, M. Bettinelli, 1924
Fonte:	Indice:Il dialetto e la lingua - Antologia vernacola.djvu

←  Sera d'inverno

Edission e fonte ▼

L'aqua, el fogo e l'onor  →

La mussa del spassin

— Tira, Grisa!... — La mussa la vien 'vanti
     sbonbolando ¹ su i sassi el caretin.
     O piova, o suta, Grisa, no gh’è santi,
     Tuti i giorni l’è questo el to destin.

— Ferma! Guarda!... 'Na mota gh’è davanti.
     Quanta roba butà par el spassin!
     Strasse, ossi, de i torsi, un par de guanti...
     Carte, fiori, la scarpa de un putìn....

Buta, buta! Sparide le belesse,
     tuto finisse ne le ratatuie ²:
     basi, speranse, lagrime, promesse....

— Pènsito, Grisa? — Mi?! son ’bituada!
     Paron, avìo finì co ste scaùie? ³
     — Ih!... ih!... — Oh, brao! ciapémo la jornada! ⁴

Gianni Monicelli ⁵

---

Note

1. il dondolar battendo sui sassi.
2. i rifiuti che cadono nella pattumaja.
3. le stesse spazzature della strada.
4. è il compenso del povero spazzino.
5. Poeta popolare conosciuto più col semplice nome di Giani, veronese puro. Cominciò giovanissimo a scrivere poesie vernàcole su giornali e riviste. Recentemente raccolse 25 sonetti in un fascicolo intitolato «Foje e buti» (Tip. Operaia 1924).