La fontana

by Attilio Turco

3 La fontana Sonetti Veronesi Sonetti Veronesi/Parte IV - El mondo Mondo remengo Fora un soneto! Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte IV - El mondo

La fontana

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Mondo remengo

Edission e fonte ▼

Fora un soneto!  →

LA FONTANA

Quando de note batolar¹ te sento,
     Cara la me fontana benedeta,
     Vorea robàr le to parole al vento
     Par fàrghene ’na bela cansoneta!

'Na cansoneta che la gabia² drento³
     L’aria de la to musica segreta;
     La musica che tuto d’un momento
     La m'à donàdo l’estro del poeta!

’Na cansoneta che piasesse a tuti;
     Che la smorsasse tuti i malumori;
     Che la tocasse el cor dei farabuti,

Par farli deventar boni anca lori;
     ’Na cansoneta bela, fresca e sana,
     Come che te si ti, vecia fontana!...

---

Note

1. batolar ― chiaccherare;
2. gabia ― abbia;
3. rento ― dentro.