Mondo remengo

by Attilio Turco

3 Mondo remengo Sonetti Veronesi Sonetti Veronesi/Parte IV - El mondo Sonetti Veronesi/Parte IV - El mondo La fontana Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte IV - El mondo

Mondo remengo

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

← Parte IV - El mondo

Edission e fonte ▼

La fontana  →

MONDO REMENGO!

Mondo ramengo, come te me piasi,
     Con tuti i farabuti e le canaie
     Che và in giro con crosse e con medaie!
     Mondo remengo... mondo... (boca tasi!)

Quei che de l’onestà ghe ne fa straie,¹
     Je portadi in trionfo o quasi, quasi...
     La giustissia la gh'è secondo i casi
     E de spesso ghe manica le rotaie...

E la se forma, e intanto ’l farabuto,
     Pien de baldansa el và par la so’ strada,
     E ’l slansa le so’ branche da partuto....

El compra, el vende, l’ordina ’l comanda,
     E se mai gh’è da far ’na baronada,
     Quando no’l ghe và lu, n’antro ’l ghe manda!

---

Note

1. straie ― strapazzo.