LA FONTANA
Quando de note batolar1 te sento,
Cara la me fontana benedeta,
Vorea robàr le to parole al vento
Par fàrghene ’na bela cansoneta!
'Na cansoneta che la gabia2 drento3
L’aria de la to musica segreta;
La musica che tuto d’un momento
La m'à donàdo l’estro del poeta!
’Na cansoneta che piasesse a tuti;
Che la smorsasse tuti i malumori;
Che la tocasse el cor dei farabuti,
Par farli deventar boni anca lori;
’Na cansoneta bela, fresca e sana,
Come che te si ti, vecia fontana!...
