Fora un soneto!

by Attilio Turco

3 Fora un soneto! Sonetti Veronesi Sonetti Veronesi/Parte IV - El mondo La fontana Mi siòlo Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte IV - El mondo

Fora un soneto!

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  La fontana

Edission e fonte ▼

Mi siòlo  →

FORA UN SONETO!

Fora¹ un soneto da 'sta testa sbusa!
     Fora un soneto, par bolarla tuta
     La cativeria de la gente bruta
     Che par farabutar, tuto ghe scusa!

E no avertene a mal ti, vecia Musa,
     Pensa che te si quela che me juta
     Se vao contro a la gente farabuta,
     Par segnarla col bol, che scota e brusa!

Fin che la tera ingrassarà, ’sti vermi.
     Che da partuto i sèmena velen,
     Che se no i fa del mal, no i pol star ben.

Che gnanca dopo morti no i sta fermi,
     E j-è vegnudi al mondo par dispeto,
     Musa, mi te dirò: fora un soneto!

---

Note

1. fora ― fuori.