La confession

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
100 percent.svg
Qualità del testo: sto testo el xe stà trascrito e rileto.
La confession
1857-58
←  El gobo spiritoso Edission e fonte ▼ L'astronomo  →


[p. 23 modifica]
LA CONFESSION.


Bastian poco de bon,
     Che pareva un bocon
     Del rio demonio,
     Sedoto da la dote generosa
     5Che gaveva una tosa,
     Se risolve de unirse in matrimonio,
     E de fondo cristian
     Benchè vizioso,
     Malgrado l'esser stà sempre lontan
     10Da qualunque esercizio religioso,
     Prima de celebrar
     Sto sacramento
     El se va a confessar
     Sentindo dei trascorsi un pentimento.
15A la portela del confessionario
     De certo don Ilario

[p. 24 modifica]

     Se inzenochia davanti,
     E là dei so pecai, che i gera tanti,
     Stando soto un'oreta
     20El svoda la sacheta.
     Terminando col dirghe al sacerdote
     — Son vegnù a confessarme,
     Perchè avendo trovà una bona dote
     Go deciso doman de maridarme —
25Don Ilario distrato,
     Che no gaveva fato
     Colazion,
     E gera za sonada ultima messa,
     Ghe dà l'assoluzion
     30Più che de pressa,
     E l'amen, recitando, o cussì sia,
     El ze per andar via.
Bastian che se ne acorze
     Dai busi favorio de la portela,
     35Fora la testa el sporze
     Disendoghe — la scusa cara ela,
     Vedendola a partir,
     Per scrupolo deciso de conscienza
     Mi la devo avertir,
     40La s'à desmentegà la penitenza,
     La qual me pararia
     Che in giusta proporzion dei mii pecai
     Esser la dovaria
     Granda che mai. —

[p. 25 modifica]

     45Ma don Ilario al massimo prudente,
     Che s'à scordà in efeto,
     Per no darghe sospeto
     Al penitente
     De aver fato sto strazzo de maron,
     50A la so osservazion
     Da bravo prete
     Senza pensarghe un ete
     Ghe risponde — stordito,
     Che doman ve sposè no m'aveu dito!—
55Bastian senza capir
     In quel mumento
     Cossa che 'l vogia dir
     Va via contento.


In diverse ocasion
     60Ze qualunque ripiego prevalente
     A una ritratazion
     Quando se ga da far co certa zente.