El gobo spiritoso

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
100 percent.svg
Qualità del testo: sto testo el xe stà trascrito e rileto.
El gobo spiritoso
1857-58
←  La gamba rota Edission e fonte ▼ La confession  →


[p. 19 modifica]
EL GOBO SPIRITOSO.


Otant'ani sarà
     Viveva in sta cità
     Un gobo, che a ecezion de sto difeto
     Gaveva tuto quelo,
     5Che a un ente predileto
     Pol acordar el Cielo;
     Lu gera facoltoso,
     Lu gaveva talento,
     El gera spiritoso,
     10Anzi in sta parte calcolà un portento;
     Sempre de bon umor,
     Franco, cortese,
     Ma severo censor
     De le lasagne che ghe ze in paese,
     15Ossia de quei meschini
     Co la patente neta de tromboni,

[p. 20 modifica]

     Che per esser vestii da figurini
     I spera che i li creda ciceroni,
     E co insulsi bomò mal aplicai,
     20Co qualche dopio senso inconcludente,
     Se ritien fermamente
     Autorizzai
     De meter in ridicolo,
     Da sciochi, da indiscreti,
     25El gobo, el zoto, el picolo,
     E tuti i sfortunai che ga difeti,
     Odioso requisito
     Che se trova in diversi e in ogni sito.
Un zorno da Florian,
     30Dove sto gobo apena capità
     Tornando da Milan
     Gaveva dispensà
     Varie letere scrite da parenti
     De alcuni là presenti,
     35Certo sior Marco Rulo,
     Un zizoloto, un bulo,
     Che messo in positura
     Da far la so figura
     Con chi va drento e fora
     40Gera in botega alora,
     Vestio per dar nel'ochio
     E parer bon
     Co un certo veladon
     Sie dei sora el zenochio,

[p. 21 modifica]

     45Ochialeto obligato,
     Gran mustachi da gato,
     Capelo cenerin
     Co la cuba a bronzin
     Largo de ala,
     50Una man in scarsela dei bragoni,
     E bagolina in spala,
     Che 'l me pareva el fante de bastoni,
     Metendo in derision co cargadura
     Del gobo la figura
     55Per un trato de spirito el ghe dise:
     — Ela che fa el postier tanto pulito,
     La prego de vardar drento in valise
     Se qualchedun dei mii m'avesse scrito —
Senza pensarghe suso,
     60Fissandolo in tel muso
     El gobo ghe risponde francamente:
     — Per ela no go gnente,
     I soi che ze discreti,
     E che no ga secreti,
     65No i ga scrito
     Volendo sparagnarme la fadiga,
     Ma per altro i m'à dito
     Tutiquanti d'acordo, la ghe diga,
     Se a caso mai la vede Marco Rulo,
     70Che lo gavemo in culo. —

[p. 22 modifica]



Ze tanto el numero
     De sti storditi,
     Che in ogni angolo,
     In tuti i siti,
     75Per far ridicola
     Sta bona lana,
     Dei gobi simili
     Saria una mana.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_gobo_spiritoso&oldid=47019"