L'inutile servitù

by Maffio Venier

3 L'inutile servitù Maffio Venier XVI Soneti Indice:Poeti antichi del dialetto veneziano 2.djvu Altra edizion: Culù che per servir crede a custìa (1993)

Maffio Venier

L'inutile servitù

XVI secolo

Edission original:	Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Poeti antichi del dialetto veneziano 2.djvu

Edission e fonte ▼

Altra edizion: Culù che per servir crede a custìa (1993)

L'INUTILE SERVITÙ

Colù che per servir crede a custìa
     Cavarghe da le man qualche favor,
     Lu no sa se 'l canal abia saor,
     Se la Lana sta ferma o 'l Sol va via:

Questa, che proprio xe la bizaria,
     La miniera dei sesti e de l'umor,
     Darà per servitù, per versi, amor?
     La ghe darà 'l malan che Dio ghe dia.

E mì son sì balordo e sì bufon
     Che a despeto d'ognun vago corando
     Dove sta la desgrazia in zenochion?

E no me acorzo che viver amando
     Sta dona se xe giusto a condizion
     Be chi per arichir vive stentando?