L'INUTILE SERVITÙ
Colù che per servir crede a custìa
Cavarghe da le man qualche favor,
Lu no sa se 'l canal abia saor,
Se la Lana sta ferma o 'l Sol va via:
Questa, che proprio xe la bizaria,
La miniera dei sesti e de l'umor,
Darà per servitù, per versi, amor?
La ghe darà 'l malan che Dio ghe dia.
E mì son sì balordo e sì bufon
Che a despeto d'ognun vago corando
Dove sta la desgrazia in zenochion?
E no me acorzo che viver amando
Sta dona se xe giusto a condizion
Be chi per arichir vive stentando?
