L'altro zorno a un Caffè da certi Preti
L'altro zorno a un Caffè da certi Preti
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Roma no gà più azion de reclamar | Edission e fonte ▼ | Respondo in do parole a quei gramazzi → |
CRITICA CONTRO L'AUTORE.
SONETTO
L'altro zorno a un Caffè da certi Preti
A dir liberamente mi hò sentìo,
Che 'l Baffo con quei lubrici soneti
4Averà un dì da render conto a Dìo;
Perchè 'na volta sola, ch'i sia leti,
La mala impression no torna indrìo;
Chi scandalezza và trà i maledeti,
8Cussì nel Passio dise San Mattìo.
Ma mi, che lo difendo, poverazzo,
Reverendi, hò risposto, le perdona,
11Rason no ghè de far tanto schiamazzo.
Vorle, che'l Baffo diga la corona?
E no le sà, che 'na testa de Cazzo
14Altro no puol discorrer, che de Mona.