Respondo in do parole a quei gramazzi
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← L'altro zorno a un Caffè da certi Preti | Edission e fonte ▼ | Dirghe cogion a un Omo vù credè → |
Respondo in do parole a quei gramazzi
Pretoni, che condanna i me soneti,
Che mi no li gò fatti per quei Preti,
4Che xe alocchi, cogioni, e visdecazzi.
Li hò fatti per quei bravi talentazzi,
Che del prossimo sà tutt'i segreti,
Che no stima i teologhi indiscreti,
8E che gà in Culo tutt'i chiettinazzi.
Quel pò, che per volerme cogionar
Hà fatto quel Sonetto buzaron,
11Oh! Quello 'l mando a farse buzarar;
E siben, ch'al so dito un Cazzo son,
Lù per altro al dessotto m'hà da star,
14Perchè sotto del Cazzo stà 'l Cogion.
El Cazzo almanco è bon
D'andar drento, e goder quando, che 'l sbora,
17Ma 'l cogion gnente gode, e stà de fuora.