L'Invito

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
L'Invito
XVI secolo
Edission e fonte ▼
Altra edizion: Fia mia, visetto bello inzucarao (1993)
[p. 63 modifica]
L'INVITO


Fia mia, viseto belo, inzucherà,
     Daspò ch'ò inteso che vegnì sta sera,
     Son vegnù belo e son muà de ciera,
     Che paro proprio un persego mondà.

Sia lode a Amor, daspò che 'l mio mezà,
     La mia corte, el mio orto, e la letiera
     Poderà dir da seno e da dovera:
     Sì che 'l nostro paron xe fortunà.

Vegnì in bon'ora, caro el mio conforto,
     E caso mo che me dessi l'impianto
     Doman sentirè a dir: l'amigo è morto.

El desiderio che ò de vu xe tanto,
     Che no vegnindo me faressi torto
     E certo restarìa col cuor infranto;
                     Son de miel tuto quanto
     Daspò che ò abù da niovo che vu, fia,
     Ve degnarè vegnir in casa mia.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27Invito&oldid=68054"