Fia mia, visetto bello inzucarao

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Fia mia, visetto bello inzucarao (Sonetto LXVIII)
XVI secolo
←  Sonetto LXVII. Vu savé pur se xe do mesi e più Edission e fonte ▼ Sonetto LXIX. Tra la rabbia, la stizza, e tra 'l martelo  →

Fia mia, visetto bello inzucarao,
Daspò che ho inteso che vegnì sta sera,
Son vegnù belo, e son muà de ciera,
Che paro proprio un pèrsego mondao.

Sia laudà Amor, daspò che 'l mio mezao,
La mia corte, el mio horto, e la lettiera,
Porà ben dir da seno e da dovera:
So che 'l nostro patron xe venturao.

Vegnì in bon'hora, caro el mio conforto,
E caso mo che me dassé l'impianto,
Doman sentiré a dir: L'amigo è morto.

El desiderio che ho de vu xe tanto,
Che se no vegnissé me fassé torto,
Vu me fassé restar co 'l cuor infranto.

Son de miel tuto quanto,
Daspuò che ho habbùo da niovo che vu, fia,
Ve degné de vegnir a casa mia.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Fia_mia,_visetto_bello_inzucarao&oldid=41708"