L'Adese e el scultor

by Giano Belo

Giano Belo

L'Adese e el scultor

XX secolo

Edission original:	Il dialetto e la lingua, Antologia vernacola, a cura de Vittorio Fontana, Verona, M. Bettinelli, 1924
Fonte:	Indice:Il dialetto e la lingua - Antologia vernacola.djvu

← Sto caval quà, l'o terminado

Edission e fonte ▼

Mama, son straco  →

L’adese e el scultor

L’è un loghèto che guarda su 'na strada
     Dove l'Adese vissin el rusa ^[1] e el passa;
     Postà ai muri gh’è piere de ogni rassa,
     E in alto un finestrin co la feriada.

Dei puti da la çiera indormenzada
     I spunta fora sperando che nassa
     Altri fradei da 'na gran piera strassa
     A tegner su 'na vasca destinada ^[2].

Quando el scultor va via dal so loghèto,
     E fra ’l giorno e de’ fa diversi viai,
     El ghe mete a la porta un restelèto,

Ma l'Adese el se insusta ^[3] e el siga: guai
     Se te lavori poco scultorèto;
     Fa come mi che no me fermo mai! ^[4]

Giano Belo

---

Note

1. Rusa; mormora, rumoreggia.
2. Stabiliita, ordinata da qualche cliente.
3. Si irrita, monta in stizza.
4. L'ultimo verso è significativo ammonimento alla necessità del lavoro ed in esso la continuità; alio scultore pigro, che va in giro ozioso, l'Adige è stimolo al lavoro.