In sta Città quel, che me dà solazzo

by Giorgio Baffo

3 In sta Città quel, che me dà solazzo Raccolta universale delle opere di Giorgio Baffo Tomo I Ghè a Venezia un'allegrìa Le Donne, che in fiera Giorgio Baffo 1789 XVIII

poesie

Giorgio Baffo ―  Raccolta universale delle opere di Giorgio Baffo  ―  Tomo I

In sta Città quel, che me dà solazzo

1789

Edission original:	Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789
Fonte:	Indice:Raccolta universale delle opere di Giorgio Baffo 1.djvu

←  Ghè a Venezia un'allegrìa

Edission e fonte ▼

Le Donne, che in fiera  →

EL DIVERTIMENTO DELL'AUTORE IN VENEZIA

SONETTO

In sta Città quel, che me dà solazzo
    Delle funzion solenni in occasion,
    No xe quel per el più, che al popolazzo
    4Dà godimento, o sia soddisfazion.

La vista delle Donne in conclusion,
    Nè intendo zà de quelle, che và a mazzo;
    Ma de quelle, che a mover la passion
    8Xe capaci, e de far alzar el Cazzo.

A torzio ghe ne zira in sta Città
    De sta rason ancuò, che ve lo zuro
    11Da banda farìa andar la santità.

Siben, che mi piuttosto no le curo,
    Me piase sempre a dir la verità,
    14Gò tutto ancuò per elle el Cazzo duro,

                    E sta sera seguro
Se mi gò sta lussuria buzzarada,
    17Mì me vago a far dar una menada.