In piassa

by Giovanni Ceriotto

3 In piassa Poesie veronesi Fiori d'inverno Pióve Giovanni Ceriotto 1911 XX Soneti veronese

Indice:Poesie veronesi (Giovanni Ceriotto).djvu

Giovanni Ceriotto ―  Poesie veronesi

In piassa

1911

Edission original:	Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911
Fonte:	Indice:Poesie veronesi (Giovanni Ceriotto).djvu

←  Fiori d'inverno

Edission e fonte ▼

Pióve  →

In piassa

Ad Angelo Dall'Oca Bianca.

     Èrimo^[1] in piassa, lì, dove se sente
petogolessi e mesi discorseti
e se vede passar sempre contente
le serve indafarade fra i bancheti.

     Cosa falo quel bossolo^[2] de gente,
dise Nane, là in fondo a i portegheti?
Valà, g'ò dito mi, no sarà gnente...
solite storie... quatro puteleti...

     Altro che puteleti!... Fra le séste^[3]
de ste done de piassa che rasona,
fra i ombreloni e in meso a tante teste

     quasi incantade de la so Verona,
Dall'Oca Bianca el ghe fasea le veste
col magico penel a la Madona.^[4]

---

Note

1. Erimo: eravamo
2. bossolo: cerchio
3. séste: ceste
4. Madona: Madonna Verona