Fiori d'inverno

by Giovanni Ceriotto

3 Fiori d'inverno Poesie veronesi Canson de montanina In piassa Giovanni Ceriotto 1911 XX Soneti veronese

Indice:Poesie veronesi (Giovanni Ceriotto).djvu

Giovanni Ceriotto ―  Poesie veronesi

Fiori d'inverno

1911

Edission original:	Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911
Fonte:	Indice:Poesie veronesi (Giovanni Ceriotto).djvu

←  Canson de montanina

Edission e fonte ▼

In piassa  →

Fiori d'inverno

     Quando el fredo el se buta zo a bon' ora,
spassando via quei ciari e bei colori
de i pra, de i campi e che 'l se mete sora
a i boscheti, tolendoghe i udori;

     quando i pitochi i pianse la malora
e che se mete la pelissa¹ i siori,
fati a ricamo nasse e sponta fora
color d'argento, tanti e tanti fiori.

     I è fiori bianchi e i nasse za ingiassadi,
sora le sese² e sora le tirele,³
drio le rame de i albari peladi

     e de sora a i cavei de le putele,
sensa strussie, pulito e comodadi,
parchè le slusa⁴ e le deventa bele!

---

Note

1. pelissa: pelliccia
2. sese: siepi
3. tirele: viti
4. le slusa: risplendino