Pióve
|
Edission original: |
Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911 |
|
Fonte: |
| ← In piassa | Edission e fonte ▼ | A 'na putina → |
Qua gh'è poce da par tuto,
gh'è un frescheto che consola,
no se trova un posto suto,1
4par discorar con 'na fiola;2
e le done indafarade,3
le vol metarse al sicuro;
co le cotole infangade
8le se frega a dosso al muro.
La veleta4 su la testa
le ghe l'a impiantada storta;
par vardar dove le pesta,
12le se impegna co la sporta.
— Siora... digo... se ghe vede?
— Benedota, la pardona!
— Su, la testa... se la crede!
16— Maledeta, che sprotona!
Po' le bionde te fa el muso
e le more no te scolta;
le te fa restar confuso,
20le te tol5 magari in volta;6
e l'ombrela la ghe intriga
par tirarse su la vesta:
se volì che ve la diga,
24qualchedun perde la testa.
Me morosa, quela cagna,
la vol fiori ogni matina;
se ghe manco, la me magna,
28con quei oci che sassina!
La li vol, no gh'è madone,
con quel'acqua che vien zo!
se ghe parlo co le bone,
32la se rabia che no so!
Mi me seca de matina
essar sempre in sbrindolon,
con quel fresco che rovina
36qualche toco do polmon!
Se doman piovesse ancora,
disi po' quel che te vol,
te saludo, bela mora....
40volto gamba sul ninsol.7
- Note