Il vero amore

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Maffio Venier

Il vero amore

XVI secolo

Edission original:	Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Poeti antichi del dialetto veneziano 2.djvu

Edission e fonte ▼

Altra edizion: Come de una cigala e una gazzuola (1993)

[p. 54 modifica]

IL VERO AMORE

Come d'una cigala o una gazuola
     Resto un'oca o un aloco in un momento!
     Mò che soleva aver cianze per cento
     Sto un'ora a mendicar meza parola.

No se pol rampegar su per la gola
     Le pene, nè 'l dolor che sento drento,
     Son giusto come un puto malcontento
     Se 'l vien chiapà a ziogar dal mistro in Scola.

Cussì davanti a quela luse viva
     Mile rason che avea prima sì pronte,
     Reverenza e timor le retegniva;

Alfin conversi l'una e l'altro in fonte,
     In liogo de la ose, me vegniva
     Le parola bagnae fuora dal fronte.