I cavaleri

by Berto Barbarani

4 I cavaleri I sogni Libro III.° — IN CITÀ E IN CAMPAGNA Aqua in gelo, aqua San Nicolò Berto Barbarani 1922 XX Poesie veronese

Indice:I sogni.djvu

Berto Barbarani ―  I sogni  ―  Libro III.° — IN CITÀ E IN CAMPAGNA

I cavaleri

1922

Edission original:	Berto Barbarani, I sogni, 3° Canzoniere, Verona, Mondadori, 1922
Fonte:	Indice:I sogni.djvu

←  Aqua in gelo, aqua

Edission e fonte ▼

San Nicolò  →

I CAVALERI

Piovesina! — Aqueta fina;
qualità tra el magio e el giugno;
guarda rose che sparpugno^[1]
par far leti^[2] a la me Nina,

5quela Nina che da ieri
l'è in d'afar coi cavaleri!^[3]

Piovesina! — Su le lastre
fila zò le gosse morte;
a la porta de la corte
10'na donzèna de polastre

«Cò, cò cò» le se lamenta,
che l'è scarsa la polenta!

La Sia Minica l'è in sagra
par i schei de le galete,^[4]
15che ghe fa calar le tete,^[5]
che la fa deventar magra...

Siti e pian, che no se schersa
quando i dorme de la tersa...

Drite, in brasso ai so morari,^[6]
20co le cotole in traverso
le putèle le fa el verso
de cantarghe ai so boari:
gnente, cari!

Pela, pela — pelarina,
25che diman fêmo mosìna;^[7]

'na fanfára de cuciari.
tuto oro de cusina,
la pignata, el sopressin,^[8]
la gradèla col tripiè,
30e la bala da cafè^[9]
col so mato masenin,^[10][11]

e el moroso col morbin...

Piovesina!...

---

Note a cura de l'autor

1. che sparpugno: che sciupo, che spoglio
2. leti: si allude al letto dei bacolini
3. cavaleri: i bachi da seta.
4. i schei de le galete: il provento della vendita dei bozzoli
5. che ghe fa calar le tete: la stagione dei bachi richiede molta cura e fatiche e sopratutto veglie, di modo che molte donne ne escono esaurite
6. morari: gelsi.
7. mosìna: salvadanaio, risparmio
8. sopressin: ferro da stirare
9. bala da cafè: tostino a forma sferica
10. masenin: macina caffè.
11. Si allude a certe piccole spese che fanno le donne di campagna col ricavato della vendita dei bozzoli.