Haveva el cuor tra l'alegrezza e 'l riso

by Maffio Venier

3 Haveva el cuor tra l'alegrezza e 'l riso (Sonetto LXXII) Canzoni e sonetti Sonetto LXXI. L'è tropo ogni tre mesi un quarto d'hora Sonetto LXXIII. Signora mia, vu manizé per tuto Maffio Venier XVI Soneti Altra edizion: La Lontananza (1817)

Maffio Venier ―  Canzoni e sonetti

Haveva el cuor tra l'alegrezza e 'l riso (Sonetto LXXII)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto LXXI. L'è tropo ogni tre mesi un quarto d'hora

Edission e fonte ▼

Sonetto LXXIII. Signora mia, vu manizé per tuto  →

Altra edizion: La Lontananza (1817)

Haveva el cuor tra l'alegrezza e 'l riso
Quando soleva inanzi andar de fuora,
E quando che tornava in mia mal'hora
Me pareva partir dal paradiso.

Adesso mo, che son via da quel viso,
Che me mette su 'l cao la dalaora,
Maledisso dolente el ponto e l'hora
Che me ha da tanto ben, gramo, diviso.

Za l'acque me pareva de crestal,
I campi, che ridesse, e la Natura
Me fesse inanzi i occhi un carneval.

Adesso tòrbia me par l'acqua e scura,
E vedo zò che vedo per mio mal
Senza la cara anzelica figura.