Fradei, de quante donne ho mai sentùe

by Maffio Venier

3 Fradei, de quante donne ho mai sentùe (Sonetto LIX) Canzoni e sonetti Sonetto LVIII. Se tutte quelle volte che ve vien Sonetto LX. Ohimè! Com'è possibil che se faga Maffio Venier XVI

soneti

Maffio Venier ―  Canzoni e sonetti

Fradei, de quante donne ho mai sentùe (Sonetto LIX)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto LVIII. Se tutte quelle volte che ve vien

Edission e fonte ▼

Sonetto LX. Ohimè! Com'è possibil che se faga  →

Fradei, de quante donne ho mai sentùe
Che s'habbia fatto ben sbatter la lana,
Nessuna è stata cusì, Dio, mo sana,
Chiavà tanto co questa in diese mue.

Mi, de quante ghe n'ho mai cognossue,
No ho mai cognossù la pi puttana,
El metter quelle in fin de Carampana,
Quelle che ha fame pi d'esser fottue.

Se ghe nassesse in cao de tutti quei
Che l'ha chiavà, per cadaun un corno,
L'havarave pi corni che cavei.

O se andasse svolando cazzi attorno,
Co' se vede a svolar cusì dei osei,
S'oselarave tutto quanto el zorno.

Sempre ghè pan in forno.
D'hora in hora custìa vuol ch'i la fotta,
Che la no ha tempo de sugar la potta.