Filantropia!
|
Edission original: |
Anonimo, Marco e Tòdaro, versi in vernacolo venezian de un mestro de Canaregio, Venezia, tipografia antica ditta Cordela, 1886 |
|
Fonte: |
| ← III. Per chiusa de un garanghelo in campagna | Edission e fonte ▼ | V. Una nòtola → |
FILANTROPIA!
SONETO COLA COA
Credeva un tempo el popolo zucon
Da quele coe de preti inzinganà,1
Che fusse ato de vera religion
4Farghe al prossimo suo la carità.
« Che carità d'Egito! El xe un zucon
(Dixe i mestri d'ancuo), quel che la fa.
El cercar xe un delito belo e bon,
8L'elemosina xe un indegnità.
Associazion ghe vol, e previdenza;
Credito, banche mutue, industrie nove,
11Libertà de lavoro e concorenza!
Tuto al più se pol far beneficenza
Co una fiera, una festa, un balo, dove
14Se combina el piacer co l'aparenza.
Ma el progresso e la scienza
Mostra che basta la filantropia;
17E che la carità xe un'utopia
Sempia, vechia e stantìa;
E che alfin solamente col lavoro
20Tornarà al mondo anca l'età de l'oro. »
Cussì dise costoro:
E, no fazzo per dir, ma adesso in fato
23Tuti lavora che xe un gusto mato;
El mondo xe rinato;
Povari e siori, amici in santa pase,
26Spartisce campi, capitali e case.
I tribunali tase;
I creditori più no i tira su;
29Tuti xe deventai fior de virtù.
Nessun falisse più;
No gh'è più ladri, o almanco no i se sente,
32E la questura la xe là per gnente.
E po metèghe arente2
(No xe vero fradei?) co sto progresso,
35Che a sìmiotar la carità s'à messo
Per far squasi l'istesso,
El ben che se se vol, la cortesia,
38L'abondanza, el morbin e l'alegria,
Come de soravia.3
Insuma el mondo, come ben xe noto,
41A sto segno oramai se ga ridoto.
Che andando de sto troto,
Gnanca volendo, no se pol patir....
44Vardève intorno, e pò sapieme dir!
- Note a cura de l'autor