Credeva un tempo el popolo zucon
Da quele coe de preti inzinganà,1
Che fusse ato de vera religion
4Farghe al prossimo suo la carità.
« Che carità d'Egito! El xe un zucon
(Dixe i mestri d'ancuo), quel che la fa.
El cercar xe un delito belo e bon,
8L'elemosina xe un indegnità.
Associazion ghe vol, e previdenza;
Credito, banche mutue, industrie nove,
11Libertà de lavoro e concorenza!
Tuto al più se pol far beneficenza
Co una fiera, una festa, un balo, dove
14Se combina el piacer co l'aparenza.
- ↑ inzinganar — affascinare, ammaliare.
